लमजुङको मर्स्याङ्दी गाउँपालिका–३ अर्खले गाउँका
पहिरोपीडितले नयाँ
घर पाएका छन् ।
पहोरोबाट विस्थापित
१८ घरपरिवार कष्टकर जीवन बिताउँदै आएका थिए ।
उनीहरूका लागि अर्खलेबेँसी र मर्स्याङ्दी– ६
लाम्पाटा बगरमा घर निर्माण गरिएको
गाउँपालिकाले जनाएको छ ।
गाउँका
१८ परिवारलाई स्थानान्तरणका लागि घर निर्माण गरिएको गाउँपालिका अध्यक्ष अर्जुन
गुरुङले जानकारी दिएका छन् ।
पीडितका लागि लाम्पाटा बगरमा ११, अर्खलेबेँसीमा ६ तथा बाहुनडाँडामा एक घर निर्माण
गरिएको छ ।
०७७
सालमा अर्खले गाउँमा पहिरो आएपछि सिंगो गाउँ नै विस्थापित भएको थियो। घर नहुँदा
कष्टकर जीवन बिताउँदै आएका उनीहरू यसपालिको तिहार
नयाँ घरमा मनाउन पाउने भएपछि हर्षित छन् ।
गाउँपालिकाका अनुसार बिस्थपितको घर निर्माण गर्न संघ
सरकारको ५० प्रतिशत, गण्डकी
प्रदेश सरकारको ३० प्रतिशत र गाउँपालिकाको १० प्रतिशत बजेट रहेको छ । उक्त
रकममध्ये जग्गा खरिदका लागि तीन लाख र घर बनाउन साढे चार लाख बजेट छुट्याइएको थियो ।